Metro53 - گجرات(ویب ڈیسک ) عیدالفطر کے موقع پر امن و امان کے قیام اور شہریوں کو محفوظ ماحول فراہم کرنے کے لیے پولیس نے مؤثر کارروائیاں کیں۔
ڈی پی او رانا عمر فاروق کی کمان میں گجرات پولیس نے پتنگ بازی، ون ویلنگ اور تیز رفتاری کے خلاف سخت اقدامات کیے۔
کائیٹ فلائنگ ایکٹ کی خلاف ورزی پر 6 مقدمات درج کیے گئے اور 6 ملزمان کو گرفتار کیا گیا۔ کارروائی کے دوران مجموعی طور پر 282 پتنگیں اور 31 دھات کی ڈوریں بھی برآمد کی گئیں۔
ون ویلنگ اور تیز رفتاری کے خلاف کارروائیوں میں 7 مقدمات درج کیے گئے، 18 ملزمان گرفتار ہوئے اور 10 موٹر سائیکلز قبضہ پولیس میں لیے گئے۔
ڈی پی او گجرات نے کہا کہ شہریوں کی جان و مال کا تحفظ پولیس کی اولین ترجیح ہے اور قانون شکن عناصر سے آہنی ہاتھوں سے نمٹا جائے گا۔ انہوں نے والدین سے بھی اپیل کی کہ وہ اپنے بچوں پر کڑی نظر رکھیں اور انہیں غیر قانونی سرگرمیوں سے باز رکھیں۔
گجرات پولیس نے واضح کیا کہ پتنگ بازی، ون ویلنگ اور تیز رفتاری کے خلاف آئندہ بھی بلا امتیاز کارروائیاں جاری رہیں گی۔
