Metro53 - گجرات (مرازعامر بیگ سے) مرکزی مسلم لیگ کے ضلعی جنرل سیکرٹری محمد سجاد ڈار کاکہنا ہےجب ہم ہندوستان اور کشمیر کے مسلمانوں کی حالت دیکھتے ہیں تو ہمیں اپنی آزادی اور وطن پاکستان کی قدر کا اندازہ ہوتا ہے۔
گجرات میں پریس کانفرنس کرتے ہوئے مرکزی مسلم لیگ کے ضلعی جنرل سیکرٹری محمد سجاد ڈار نے کہا کہ انہوں نے کہا کہ دفاعِ پاکستان نے ہمیں دنیا بھر میں عزت دی ہے، اور جب بھارت نے پاکستان پر حملہ کیا تو پوری قوم متحد ہو گئی۔آج دنیا بھر میں افواجِ پاکستان کی بہادری کا تذکرہ ہو رہا ہے اور ہم اپنی افواج کے شکر گزار ہیں۔
انہوں نے اعلان کیا کہ مرکزی مسلم لیگ 7 اگست سے 14 اگست تک ملک بھر میں یومِ آزادی کی مناسبت سے تقریبات منعقد کرے گی، جن میں شہروں میں بینرز اور فلیکسز آویزاں کیے جائیں گے۔کیمپنگ اور فلوٹس کا اہتمام ہوگا۔12 اگست کو سرائے عالمگیر میں نظریہ پاکستان پر پروگرام ہوگا۔14 اگست کو ضلعی سطح پر ریلیاں نکالی جائیں گی۔
محمد سجاد ڈار نے عوام سے اپیل کی کہ وہ ان تقریبات میں بھرپور شرکت کریں اور نوجوان نسل کو آزادی کی اہمیت سے آگاہ کریں۔
