Metro53 - لاہور(ویب ڈیسک )لاہور کی اسپیشل کورٹ سینٹرل نے منی لانڈرنگ کیس میں سابق وزیراعلیٰ پنجاب چوہدری پرویز الٰہی کی بریت کی درخواست پر فیصلہ مؤخر کردیا۔
عدالت نے کیس کی سماعت کے دوران بتایا کہ فیصلہ آج سنایا جانا تھا تاہم اسے بعد کے لیے مؤخر کر دیا گیا ہے۔ سماعت میں چودھری پرویز الٰہی اور ان کے اہل خانہ سمیت دیگر نامزد افراد کے خلاف منی لانڈرنگ الزامات پر کارروائی جاری رہی۔
عدالت نے چودھری پرویز الٰہی کی ایک پیشی سے استثنیٰ کی درخواست منظور کرلی۔ درخواست میں مؤقف اختیار کیا گیا تھا کہ قریبی رشتے دار کے انتقال کے باعث وہ عدالت میں پیش نہیں ہوسکتے۔کیس کی آئندہ سماعت کی تاریخ بعد میں مقرر کی جائے گی۔
