Metro53 - گجرات( مرزاعادل سے )پاکستان مسلم لیگ (ن) کے رہنما اور ممبر قومی اسمبلی چوہدری نصیر عباس سدھو نے اپنے حلقے کے اہم قصبے منگووال کا دورہ کیا۔ اس موقع پر انہوں نے مسلم لیگ (ن) کے پبلک سیکرٹریٹ میں عوامی عدالت لگائی، جہاں اہل علاقہ کی بڑی تعداد نے شرکت کی۔
گجرات( ویب ڈیسک )پاکستان مسلم لیگ (ن) کے رہنما اور ممبر قومی اسمبلی چوہدری نصیر عباس سدھو نے اپنے حلقے کے اہم قصبے منگووال کا دورہ کیا۔ اس موقع پر انہوں نے مسلم لیگ (ن) کے پبلک سیکرٹریٹ میں عوامی عدالت لگائی، جہاں اہل علاقہ کی بڑی تعداد نے شرکت کی۔
ایم این اے چوہدری نصیر عباس سدھو نے علاقے کے لوگوں سے براہ راست ملاقات کی۔ عوام نے بجلی، گیس، سڑکوں کی تعمیر و مرمت اور دیگر انتظامی مسائل سے متعلق شکایات پیش کیں۔
عوامی شکایات پر فوری ایکشن لیتے ہوئے، چوہدری نصیر عباس سدھو نے متعلقہ محکموں کے افسران کو ٹیلیفون کیا اور جائز مسائل کے فوری حل کے لیے سخت ہدایات جاری کیں۔
چوہدری نصیر عباس سدھو نے گفتگو کرتے ہوئے کہا کہ مسلم لیگ (ن) کا پبلک سیکرٹریٹ چوبیس گھنٹے عوام کی خدمت کے لیے کھلا ہے اور ان کا مقصد سیاست کو عبادت سمجھ کر لوگوں کی دہلیز پر انصاف فراہم کرنا ہے۔
اہل علاقہ اور مسلم لیگ (ن) کے کارکنان نے ایم این اے کی منگووال آمد کا بھرپور خیرمقدم کیا اور مسائل کے فوری حل کے لیے ان کی کاوشوں کو سراہا۔ شرکاء کا کہنا تھا کہ عوامی نمائندوں کا اس طرح براہ راست عوام میں موجود ہونا خوش آئند ہے، جس سے نہ صرف مسائل حل ہوتے ہیں بلکہ عوام کا نظام پر اعتماد بھی بحال ہوتا ہے۔
