Metro53 - گجرات(ویب ڈیسک) شہرمیں منعقدہ ویمن وشو نیشنل چیمپئن شپ میں مظفرآباد آزاد کشمیر سے تعلق رکھنے والی باصلاحیت کھلاڑی مومنہ رانی نے شاندار کارکردگی کا مظاہرہ کرتے ہوئے سلور میڈل اپنے نام کر لیا۔
مومنہ رانی کا کہنا ہے کہ اگر حکومت انہیں سپورٹ فراہم کرے تو وہ انٹرنیشنل سطح پر کشمیر اور پاکستان کا نام روشن کر سکتی ہیں۔ تاہم انہوں نے شکوہ کیا کہ اب تک انہیں سپورٹس بورڈ کی جانب سے کوئی معاونت یا انعام نہیں دیا گیا، حتیٰ کہ ایوارڈ کے لیے بھی نہیں بلایا گیا۔مومنہ رانی نے حکومت اور متعلقہ اداروں سے اپیل کی ہے کہ خواتین کھلاڑیوں کی حوصلہ افزائی کے لیے عملی اقدامات کیے جائیں تاکہ وہ عالمی سطح پر ملک و قوم کے لیے مزید کامیابیاں سمیٹ سکیں۔
