Metro53 - ٹوبہ ٹیک سنگھ(ویب ڈیسک )فیصل آباد کے سہیاں والا پولیس نے منگل کے روز 6 ماہ کی حاملہ خاتون کو اجتماعی زیادتی کا نشانہ بنانے کے الزام میں تین افراد کے خلاف مقدمہ درج کر لیا۔
ڈیلی پاکستان کے مطابق،متاثرہ خاتون کی والدہ نے ایف آئی آر میں مؤقف اختیار کیا کہ اس کا داماد روزگار کے سلسلے میں دوسرے گاؤں میں رہتا ہے۔ اس کی غیر موجودگی میں، داماد کے چھوٹے بھائی اور اس کے دو ساتھیوں نے یکم ستمبر کو اس کی بیٹی کو چائے میں نشہ آور چیز ملا کر پلائی۔ جب متاثرہ بیہوش ہوگئی تو ملزمان نے نہ صرف اجتماعی زیادتی کی بلکہ بدفعلی بھی کی۔
مدعیہ کے مطابق، ملزمان اور ان کے اہل خانہ نے متاثرہ کو ایک کمرے میں قید کر دیا اور اسے ماں یا شوہر سے رابطہ کرنے کی اجازت نہ دی۔ بعدازاں، اہل محلہ کی اطلاع پر پولیس نے ایڈیشنل ڈسٹرکٹ اینڈ سیشن جج کے حکم پر خاتون کو بازیاب کرا لیا۔ پولیس ترجمان کے مطابق ملزمان کی گرفتاری کے لیے چھاپے مارے جا رہے ہیں۔
