گجرات: مٹوانوالہ کے قریب ڈلیوری بوائے سے پارسل، نقدی اور موبائل فون لوٹ لیا گیا

Metro53 - گجرات (ویب ڈیسک ) ڈنگہ کے نواحی گاؤں لوکڑی مکڑاں کے رہائشی اور آن لائن کمپنی دراز کے ڈلیوری بوائے محمد جنید کو مٹوانوالہ کے قریب نامعلوم مسلح ڈاکوؤں نے گن پوائنٹ پر لوٹ لیا۔

 نیوزالرٹ کے مطابق، واردات کے دوران ڈاکو 26 ہزار روپے نقدی، موبائل فون اور ڈلیوری کے لیے موجود آن لائن پارسل چھین کر موقع سے فرار ہو گئے۔پولیس تھانہ ڈنگہ نے واقعے کا مقدمہ درج کر کے تفتیش شروع کر دی ہے، تاہم تاحال ملزمان کی گرفتاری عمل میں نہیں آ سکی۔مقامی شہریوں نے مطالبہ کیا ہے کہ علاقے میں بڑھتی ہوئی راہزنی کی وارداتوں کو روکنے کے لیے سیکیورٹی اقدامات مزید سخت کیے جائیں۔