Metro53 - گجرات،( مرزاعامر بیگ سے )دریائے چناب میں شدید سیلابی ریلے آنے سے دریاؤں کے کنارے واقع بستیوں میں پانی داخل ہوگیا، متعدد دیہات زیر آب آ گئے ہیں اور لوگ نقل مکانی کرنے پر مجبور ہو گئے ہیں۔
دریائے چناب میں طیغانی کے بعد پانی کوٹ غلام میں داخل ہوگیا، زمینداروں کے مال مویشی فصلیں اور ڈیرے زیر آب آگئے۔ ضلعی انتظامیہ کیجانب سے امدادی ٹیمیں تاحال متاثرہ دیہات میں نہ پہنچ سکی ۔سینکڑوں پر کاشت دھان کی فصل دریائی پانی کی زدمیں آگئی۔
ڈپٹی کمشنر گجرات نے سیلابی صورتحال کے پیش نظر پاک فوج سے ہیلی کاپٹرز کے ذریعے فضائی مدد کی درخواست کر دی ہے تاکہ متاثرہ دیہات میں پھنسے افراد کو فوری ریسکیو کیا جا سکے۔ضلعی انتظامیہ اور ریسکیو ٹیمیں امدادی کارروائیوں میں مصروف ہیں، تاہم بڑے پیمانے پر پانی داخل ہونے کے باعث لوگوں کو محفوظ مقامات پر منتقل کرنے میں مشکلات کا سامنا ہے۔
