جاری کردہ نوٹیفکیشن کے مطابق نورالعین قریشی کو گجرات سے تبدیل کرکے لاہور میں محکمہ اسپیشل پلاننگ کا ڈائریکٹر جنرل تعینات کیا گیا ہے۔ انہوں نے بطور ڈپٹی کمشنر گجرات ایک سال اور چار ماہ تک اپنی خدمات سرانجام دیں۔ وہ سوموار کو اپنے عہدے کا چارج چھوڑ دیں گی۔
دوسری جانب لاہور سے تبدیل ہو کر آنے والے گریڈ 19 کے افسر خرم شہزاد کو ڈپٹی کمشنر گجرات کی ذمہ داریاں سونپ دی گئی ہیں۔ وہ جلد اپنے نئے عہدے کا چارج سنبھالیں گے۔
تبادلے اور نئی تعیناتی کے حوالے سے حکومت کی جانب سے باقاعدہ نوٹیفکیشن جاری کر دیا گیا ہے۔
