جیل میں قید عمران خان کی اپنے بیٹوں سے بات کرادی گئی

Metro53 - راولپنڈی(ویب ڈیسک) پاکستان تحریک انصاف کے بانی عمران خان کی عید الفطر کے موقع پر اپنے بیٹوں، قاسم اور سلیمان سے ٹیلیفون پر بات چیت کرائی گئی۔

جیل ذرائع کے مطابق، اڈیالہ جیل انتظامیہ نے اعلیٰ عدالتوں کے احکامات کی روشنی میں اس خصوصی کال کا اہتمام کیا۔ بانی پی ٹی آئی اور ان کے بیٹوں کے درمیان گفتگو تقریباً 25 سے 30 منٹ تک جاری رہی۔

 دونوں بیٹوں نے اپنے والد کی صحت اور جیل میں سہولیات کے حوالے سے دریافت کیا اورعید کی مبارکباد دی  بانی پی ٹی آئی نے بیٹوں کو عید کی مبارکباد دی اور ان کے لیے نیک خواہشات کا اظہار کیا۔

 جیل حکام کا کہنا ہے کہ اپنے بیٹوں سے طویل عرصے بعد تفصیلی بات چیت کرنے پر بانی پی ٹی آئی کافی خوش اور مطمئن نظر آئے۔

یاد رہے کہ بانی پی ٹی آئی کے دونوں صاحبزادے اس وقت لندن میں مقیم ہیں اور عدالت نے انہیں اپنے والد سے باقاعدگی سے رابطہ رکھنے کی اجازت دے رکھی ہے۔