Metro53 - گجرات ( ویب ڈیسک ) کھاریاں میں جی ٹی روڈ پر بسم اللہ چوک میں ایک دلخراش ٹریفک حادثہ پیش آیا جس میں تین افراد موقع پر ہی جان کی بازی ہار گئے جبکہ متعدد افراد زخمی ہو گئے۔
حادثے میں شامل گاڑیاں زور دار تصادم کے باعث بری طرح تباہ ہو گئیں۔ عینی شاہدین کے مطابق حادثہ اس قدر شدید تھا کہ گاڑیوں کے پرخچے دور دور تک بکھر گئے۔
ریسکیو ٹیمیں اطلاع ملتے ہی جائے حادثہ پر پہنچ گئیں اور جاں بحق افراد کی لاشوں اور زخمیوں کو قریبی اسپتال منتقل کردیا گیا۔ زخمیوں کو طبی امداد فراہم کی جا رہی ہے جبکہ حادثے کی وجوہات جاننے کے لیے تحقیقات بھی شروع کر دی گئی ہیں۔
