Metro53 - گجرات (مرزاعادل سے)جی ٹی روڈ کھاریاں میں واقع الغنی پیٹرول پمپ کے سامنے کار اور ڈمپر میں خوفناک تصادم ہوا ہے، جس کے نتیجے میں ایک نوجوان موقع پر ہی جاں بحق ہو گیا۔
تفصیلات کے مطابق، کار میں تین نوجوان سوار تھے جن کا تعلق کھاریاں سے بتایا جا رہا ہے، حادثے میں ایک نوجوان موقع پر دم توڑ گیا، جبکہ دو زخمیوں کو عزیز بھٹی ہسپتال گجرات منتقل کر دیا گیا ہے۔ پولیس اور ریسکیو ٹیمیں فوری طور پر موقع پر پہنچ گئیں۔واقعے کی مزید تحقیقات جاری ہیں، جب کہ حادثے کی ابتدائی وجہ تیز رفتاری بتائی جا رہی ہے۔
