Metro53 - گجرات ( ویب ڈیسک )معروف سیاسی رہنما نوابزادہ طاہر الملک اور چوہدری علی وڑائچ نے سینئر سیاستدان عابد رضا کوٹلہ سے ملاقات کی جس میں باہمی دلچسپی کے امور، علاقائی سیاست اور عوامی مسائل پر تفصیلی تبادلہ خیال کیا گیا۔
اس موقع پر رہنماؤں نے اس بات پر زور دیا کہ سیاست کا مقصد عوام کی خدمت اور ان کے مسائل کا حل ہونا چاہیے۔ انہوں نے کہا کہ عوامی نمائندوں کا اصل رشتہ اپنے لوگوں کے ساتھ دکھ درد میں شریک ہونے اور عملی اقدامات کے ذریعے ان کے مسائل کو حل کرنے سے مضبوط ہوتا ہے۔
ملاقات میں گجرات کی موجودہ سیاسی صورتحال اور آئندہ کے سیاسی لائحہ عمل پر بھی بات چیت کی گئی۔ رہنماؤں نے عزم کا اظہار کیا کہ وہ عوامی مفاد کو مقدم رکھتے ہوئے علاقے کی ترقی اور خوشحالی کے لیے مشترکہ جدوجہد جاری رکھیں گے۔
