Metro53 - گجرات (ویب ڈیسک)پاکستان تحریک انصاف کے رہنما چودھری مونس الٰہی کاکہنا ہے کہ 75 سالہ ڈاکٹر یاسمین راشد، 71 سالہ میاں محمودالرشید، 70 سالہ اعجاز چوہدری اور عمر سرفراز چیمہ قید میں شدید علیل ہیں۔
مونس الٰہی نے افسوس کا اظہار کرتے ہوئے کہا کہ “یہ سب سیاسی اسیر ہیں، جو انصاف مانگنے پر مجبور ہیں۔ اب وہ اس حد تک پہنچ گئے ہیں کہ ‘انصاف دو یا مار دو’ کا مطالبہ کر رہے ہیں۔”
انہوں نے مزید کہا کہ بزرگ رہنماؤں کو جیل میں علاج اور بنیادی سہولیات سے محروم رکھنا انسانی حقوق کی خلاف ورزی ہے، حکومت فوری طور پر ان کی صحت اور رہائی کے معاملات پر سنجیدگی دکھائے۔
سوشل میڈیا پر مونس الٰہی کے اس بیان کے بعد شہریوں نے بھی بزرگ سیاسی قیدیوں کے لیے انصاف اور طبی سہولیات کی فراہمی کا مطالبہ کیا ہے۔
