Metro53 - جہلم(ویب ڈیسک) ضلع بھر میں ٹریفک قوانین کی خلاف ورزیوں کے خلاف پولیس کی کارروائیاں جاری ہیں۔
ٹریفک قوانین کی خلاف ورزی پر 31 مقدمات درج کر کے ملزمان کو گرفتار کیا گیا جبکہ ان سے 3 رکشے، 1 ڈمپر، 23 موٹر سائیکلیں اور ایک ہائی ایس قبضے میں لے لی گئی ہیں۔
ڈی پی او جہلم طارق عزیز سندھو نے کہا کہ خطرناک ڈرائیونگ، کم عمر ڈرائیونگ، ون ویلنگ، بغیر لائسنس ڈرائیونگ اور اوور اسپیڈنگ پر زیرو ٹالرنس پالیسی کے تحت کارروائیاں جاری ہیں۔
انہوں نے شہریوں کو یقین دلایا کہ ان کی جان و مال کا تحفظ اولین ترجیح ہے اور قانون شکنی کرنے والوں کے خلاف سخت قانونی کارروائی جاری رہے گی۔
ٹریفک پولیس اور ضلع پولیس کی مشترکہ ٹیمیں شاہراہوں، چوکوں اور اہم مقامات پر مسلسل چیکنگ کر رہی ہیں تاکہ محفوظ پنجاب کے ویژن کے مطابق حادثات میں کمی لائی جا سکے اور ٹریفک نظم و ضبط برقرار رہے۔
