Metro53 - راولپنڈی (ویب ڈیسک) اڈیالہ جیل حکام نے بانی پی ٹی آئی عمران خان کی صحت سے متعلق چلنے والی خبروں کی سختی سے تردید کر دی ہے۔
حکام کے مطابق عمران خان مکمل طور پر صحت مند ہیں اور ان کی خیریت بارے پھیلائی جانے والی افواہوں میں کوئی صداقت نہیں۔
اڈیالہ جیل انتظامیہ کا کہنا ہے کہ عمران خان کی صحت کا مکمل خیال رکھا جا رہا ہے اور انہیں ضروری سہولتیں فراہم کی جا رہی ہیں۔
حکام نے واضح کیا کہ عمران خان کو جیل سے منتقل کرنے کے حوالے سے سوشل میڈیا پر پھیلنے والی رپورٹس بے بنیاد ہیں۔
اڈیالہ جیل حکام کے مطابق عمران خان نہ صرف جیل میں موجود ہیں بلکہ صحت یاب بھی ہیں، اس لیے کسی بھی قسم کی افواہوں پر کان نہ دھرا جائے۔
