Metro53 - راولپنڈی(ویب ڈیسک) راولپنڈی روڈ پر بہکڑی کے قریب پیش آنے والے المناک ٹریفک حادثے میں چار گاڑیاں آپس میں ٹکرا گئیں، جس کے نتیجے میں 4 افراد موقع پر جاں بحق جبکہ 4 شدید زخمی ہوگئے۔
جاں بحق افراد میں باپ اور بیٹا بھی شامل ہیں جن کا تعلق جویا مائر سے ہے۔ متوفی کی شناخت ارشد محمود کے نام سے ہوئی ہے، جبکہ افسوسناک طور پر ارشد محمود کے بیٹے کی دعوتِ ولیمہ کل طے تھی۔ حادثے میں ایک خاتون شدید زخمی ہوئیں۔
ایک اور متوفی کی شناخت نصیر کے نام سے ہوئی ہے، جو جہلم سے تعلق رکھتے تھے اور راولپنڈی میں مقیم تھے۔ ابتدائی اطلاعات کے مطابق جاں بحق ہونے والے افراد کا تعلق شعبہ وکالت سے بتایا جا رہا ہے۔ریسکیو ٹیموں نے زخمیوں کو فوری طور پر اسپتال منتقل کر دیا، جبکہ پولیس حادثے کی وجوہات کا تعین کرنے کے لیے تحقیقات کر رہی ہے۔
