Metro53 - دبئی(ویب ڈیسک )ایشیا کپ ٹی ٹوئنٹی میں سری لنکا اور بھارت کا میچ ٹائی ہوا اور پھر فیصلہ سپر اوور میں ہوا۔
نجی چینل جیونیوز کے مطابق، دبئی میں کھیلے گئے سپر 4 مرحلے کے آخری میچ میں بھارت نے پہلے کھیلتے ہوئے مقررہ 20 اوورز میں 5 وکٹوں پر 202رنز بنائے۔
جواب میں سری لنکا نے بھی 5 وکٹ پر 202 رنز بنائے۔سپر اوور میں سری لنکا نے پہلے بیٹنگ کی۔ سپر اوور شروع ہوا تو کوشل پریرا صفر پر آؤٹ ہوئے۔ اس کے بعد سری لنکن بیٹر شناکا نے ارشدیپ کی گیند مس کی اور رن لینے کیلئے آگے بڑھے لیکن کیپر نے گیند اسٹمپ پر مار دی۔( عموماً اس صورت میں بیٹر کو آؤٹ دیا جاتا ہے)
اس دوران ارشدیپ نے کیچ کی اپیل کی اور امپائر نے آؤٹ دے دیا۔تاہم شناکا نے ری ویو لیا جس میں پتا چلا کہ گیند ان کے بلے سے نہیں چھوئی۔ اس لیے امپائر نے انہیں ناٹ آؤٹ قرار دیا۔البتہ سری لنکن بیٹر رن آؤٹ سے بچ گئے کیوں کہ آن فیلڈ امپائر نے پہلے فیصلے میں کیچ کی اپیل پر ہی آؤٹ دیا تھا۔واضح رہے کہ بھارت نے یہ میچ سپر اوور میں جیت لیا۔سپر اوور میں سری لنکا نے پہلے بیٹنگ کی اور صرف 2 رنز بنائے۔ بھارت نے 3 رنز کا ہدف با آسانی سے پورا کرلیا۔
