Metro53 - فیصل آباد ( ویب ڈیسک) عام انتخابات میں رانا ثناءاللہ کو شکست دینے والے تحریک انصاف کے رکن قومی اسمبلی ڈاکٹر نثار جٹ کو 6 سال پرانے قتل کے مقدمے میں نامزد کردیا گیا۔
نجی ٹی وی’’ سماء ‘‘کے مطابق سی سی ڈی نے گوجرانوالہ میں 6 سال قبل نوجوان کے قتل میں ملوث ملزم کو گرفتار کیا۔ ملزم نے عدالت میں پیش ہو کر تحریک انصاف کے ایم این اے نثار جٹ پر قتل کروانے کا الزام لگا دیا۔
زوہیب نامی شوٹر نے عدالت میں 164 کا بیان ریکارڈ کروایا۔ ملزم نے بیان میں کہا کہ رکن قومی اسمبلی ڈاکٹر نثار نے بلال چیمہ کی مخبری کے لیے 25 ہزار روپے دیئے۔ اس کے بعد اس نے ساتھی ملزمان کے ہمراہ اس کو گوجرانوالہ میں قتل کروایا اور لاش گاڑی میں ڈال کر کمالیہ لے آئے جہاں ڈاکٹر نثار احمد کے کہنے پر لاش نہر میں پھینک دی ۔ کام پورا ہونے کے بعد مزید 50 ہزار روپے دیئے گئے۔
سی سی ڈی کے مطابق ملزم نے ساتھیوں کے ہمرا ہ 2019 میں ہونے والے قتل کا اعتراف کرلیا ہے تاہم اس کے بیان کی روشنی میں مزید تفتیش کی جارہی ہے۔
