بھائی اور بہنوئی کی خبریں

Metro53 - لاہور ( ویب ڈیسک )حال ہی میں شادی کی وجہ سے خبروں میں رہنے والی سوشل میڈیا انفلوئنسر اور ماہر نفسیات ڈاکٹر نبیحہ علی خان نے دعویٰ کیا ہے کہ وہ پردہ دار خاتون ہیں، وہ گھر میں بھائی کے سامنے بھی پردہ کرتی ہیں۔

تفصیلات کے مطابق ڈاکٹر نبیحہ نے پوڈ کاسٹ میں گفتگو کرتے ہوئے کہا کہ ’’میں اپنے بھائی اور بہنوئی سے بھی پردہ کرتی ہوں ، گھر میں آنے والے پلمبر سے بھی پردہ کرتی ہوں، میں صرف میڈیا میں ایسے بیٹھتی ہوں جہاں آپ اور کیمرہ ہوتاہے، مجھے صرف میری فیملی دیکھ سکتی ہے‘‘.

واضح رہے کہ نبیحہ علی خان نے 7 نومبر کو حارث کھوکھر نامی شخص سے شادی کی تھی، نبیحہ علی خان نے یہ دوسری شادی ہے، اس سے قبل انہوں نے کم عمری میں خود سے 15 برس زائد العمر شخص سے شادی کی تھی، جن کا انتقال ہوگیا تھا۔

نبیحہ علی خان کی شادی کی ویڈیوز اور تصاویر خوب وائرل ہوئی تھیں اور صارفین کی جانب سے انہیں تنقید کا نشانہ بھی بنایا گیا تھا۔

صارفین کی جانب سے شدید تنقید کے بعد حال ہی میں انہوں نے ایک ٹی وی پروگرام میں انکشاف کیا کہ وہ لوگوں کی تنقید پر اس قدر دلبرداشتہ ہوگئیں تھیں کہ انہوں نے طلاق لینے کا فیصلہ بھی کیا تھا۔