Metro53 - لاہور( ویب ڈیسک ) لاہور میں خرم گجر نامی ٹک ٹاکر کواوورسیز پاکستانی کے ساتھ 6 کروڑ پچپن لاکھ روپے کا فراڈ کرکے رقم ہتھیا نے کے الزام میں گرفتارکرلیا گیا۔
اطلاعات کے مطابق لاہور کے ٹک ٹاکر خرم گجر کا اوورسیز پاکستانی کے ساتھ فراڈ سامنے آیا ہے جس کے مطابق ٹک ٹاکر خرم گجر نے رانا ارسلان نامی شخص کے ساتھ دو لاکھ یورو کا فراڈ کیا ہے۔ خرم گجر نے رانا ارسلان سے کمرشل پلاٹ کی خریداری کےلیے دو لاکھ یورو لیے تھے لیکن ایک سال بعد بھی اسے دکھایا گیا کمرشل پلاٹ خرید کر نہ دیا۔
رانا ارسلان کی جانب سے رقم کی واپسی کے مطالبے پر ٹک ٹاکر خرم گجر انکاری ہوگیا اور دھمیاں بھی دیں۔رانا ارسلان کی درخواست پر تھانہ ڈیفنس سی میں مقدمہ درج کیا گیا تھا۔ جس کے بعد پولیس نے دھمکیوں اور امانت میں خیانت کے الزام پر ٹک ٹاکر خرم گجر کو گرفتار کرلیا ہے۔
