Metro53 - لاہور(ویب ڈیسک)پنجاب اور خیبر پختونخوا میں گرمیوں کی چھٹیوں کے بعد تعلیمی ادارے آج سے کھل گئے ہیں۔
روزنامہ جنگ کے مطابق پنجاب میں سیلاب سے متاثرہ علاقوں میں سکول فی الحال بند ہی رہیں گے۔ضلع چنیوٹ میں سرکاری اور نجی تعلیمی ادارے 2 ستمبر تک بند رکھنے کا فیصلہ کیا گیا ہے۔ فیصل آباد کی تحصیل تاندلیانوالہ اور ضلع جھنگ میں سیلابی صورتِ حال کے پیش نظر ضلع بھر کے تمام سکول 5 ستمبر تک بند رہیں گے۔ٹوبہ ٹیک سنگھ کی تحصیل کمالیہ اور پیر محل میں سکول غیرمعینہ مدت تک بند رہیں گے۔
