Metro53 - اسلام آباد( ویب ڈیسک )حکومت منے پیٹرولیم مصنوعات کی قیمتوں میں ردوبدل کردیا۔ پیٹرول کی قیمت برقرار رکھی گئی ہے، تاہم مٹی کے تیل اور ڈیزل کی قیمتوں میں کمی کی گئی ہے۔
وزارت خزانہ کی جانب سے جاری اعلامیے کے مطابق نئی قیمتوں کا اطلاق رات 12 بجے سے ہوگیا جو اگلے 15 روز کے لیے رہے گا۔
نوٹی فکیشن کے مطابق پیٹرول کی قیمت 264 روپے 61 پیسے پر برقرار رکھی گئی ہے جبکہ ہائی اسپیڈ ڈیزل کی قیمت میں 3 روپے کی کمی کی گئی ہے۔
حالیہ کمی کے بعد فی لیٹر ہائی اسپیڈ ڈیزل کی قیمت 269 روپے 99 پیسے ہوگئی۔اس کے علاوہ لائٹ ڈیزل کی قیمت میں 2 روپے 40 پیسے جبکہ مٹی کے تیل کی قیمت میں 1 روپے 46 پیسے کمی کی گئی ہے۔
